-Мен Султан Юсупов менен 1975-жылдан тартып бирге иштеп калдым. Ал кишиден көп нерсени үйрөндүм. Дегеле бардык кыргыз хормейстрлери Султан Юсуповду мугалимибиз деп атайбыз. Анткени ал киши кыргыз хор өнөрүнө өтө чоң эмгек сиңирген.

Султан Юсуповдун “Күкүк”, “Ата-энем өскөн жер аман”, “Күбөсү болгун сүйүүнун”, “Россия”, “Жайкы түн”, “Паризат” хорлору алтын фондуга алынган. Бүгун Улуттук консерваторияда саат 9 да баштала турган “Булбул үндөр” республикалык фестивалы Султан Юсуповдун 90 жылдыгына арналмакчы:

Ал эми эртең болсо улуттук опера жана балет театрында маркум композитор, алгачкы кыргыз хормейстри Султан Юсуповдун 90 жылдыгы ырасмий белгиленип, чыгармалары аткарылмакчы. Султан Юсуповдун окуучуларынын бири Айнагүл Мураталиеванын айтымында мурда кыргыз улуттук консерваториясында эмгектенип кеткен хормейстр Владимир Шиллер Султан Юсуповдун хорого жазылган 4 чыгармасын немец угармандарына тааныштырмакчы.